ــ كيكه السويسرول ـــ
ــــ المكونات ــــــــ
7 بيضات
2 كيس فانيليا
1 كوب ناقص منه شويه سكر بودره
1كوب ممسوح دقيق
نصف معلقه صغيره بيكنج بودر
ـــ الطريقه ـــــ
يضرب البيض والسكر لحد ما يتماسك القوام ونرفعه بالمعلقه نلاقى قوامه مثل الشريط المتصل وبعد كدا نضيف الدقيق والبيكنج بودر ويقلب حتى يتماسك الخليط جيدا و
نضعها فى صينيه مدهونه بالسمن وعليها رشه دقيق خفيفه لمنع التصاقها بالصينيه
ونضعها فى الفرن على 180 درجه لمده 20 دقيقه ويراعى تسخين الفرن قبل وضعها بعشر دقايق وبعد خروجها من الفرن تترك لتهدا 5 دقايق ونضع فوقها مربى او كريم شانتيه حسب الرغبه ونلفها بشكل اسطوانى ونضعها فالثلاجه وبعدين نزوقها بالشكولاته او حسب الرغبه
وبكدا تكون جاهزه للسفر عبر القناه الهضميه وبالهنا والشفا
***ملحوظه * * *
بعد خروج الكيكه من الفرن نضعها على ورق زبده مرشوش تحته سكر عشان مش تلزق فالورقه ومنعرفش نطلها زى ما بيحصل معايا دايما لانى بنساه
ممكن يضرب صفار البيض مع نصف كوب السكر فى اناء وبياض البيض مع نصف كوب السكر الباقى فى اناء اخر وممكن كمان نضيف 2 معلقه كبيره كاكاو لو عايزين لون الكيكه اسمر بلون الشيكولاته وبعد كدا نضيف باقى المقدار زى ما قلنا وشكرا
ــــــــــــــــــــــــــــــــــ
اهداء الى عشقى وحبى
كيكه السويسرول
ـــــــ
ــــــ
ــــــ
ـــــ
حبيبتى كيكه السويسرول
مفيش احلى منها
ياسلام ياسلام على طعامتها
قوامها الملفوف شدنى
سمارها بلون الشكولاته
جزبنى وهدنى
نظره منها تشفى حنينى
حته منها تشبعنى وتكفينى
بجد بجد
وحشتينى
________
